หลายปีหล้ำตื่นแต่เช้านอนเดือก
พอสิได้เลิกงานเงื่อไหล่ไคย้อย
พอตาเว็นคล้อยค่อยถ่าแต่ผู้สาว
แปลกเด้เมื่อนี้คือเงียบอิ่มชิ่ม
เฝ่ารอแม่ยุพินเจ้าไปลี่อยู่ไส
หรือเจ้าไล่ลืมอ้ายโตดำก้นก่าน
แต่บ่ได้ขี้คร้านแต่เฮ็ดการอยู่ฮู
หรือเจ้าไปเล่นชู้ให้อ้ายคะนิงหา
รอมาหลายเพลาคือบ่มาหาอ้าย
อ้ายเพียรสร้างโคกหนองนาอยู่เช้าค่ำ
ป่า3อย่างเลิศล่ำพอสิได้เก็บแกง
บาดยามแล้งละหนาบ่มีฝุ่นไง่ง่อง
เหลียวหม่องได๋กะคือทองได้ซุ่มเย็น
ถึงตาเว็นบ่ายค่อยมีไม้ได้บดบัง
คือย่างวังเวียงทองซุ่มเย็นปานน้ำ
อย่าพากันไล่ถิ่มของดีอันล้ำค่า
พากันสืบสานสร้างไว้ให้ลูกหลาน
ไม่มีความคิดเห็น:
แสดงความคิดเห็น