บัดนี้ฉันสิวาจาต้านการประชุมเอเปค
พยายามเพ่งเล็งมองผู้นำท่าน
ได้ยินแต่เสียงจาต้านชู BCG ไร้หลัก
พากันปักเลนเล่นหมู่ท่านว่าอย่างได๋
ของดีมีไว้ปรัชญาพอเพียงบ่มีกล่าว
ประชาพานั่งเศร้าได้ประโยชน์อีหยั่ง
"อุตตม"กะยังเว้าคนไทยต้องได้ประโยชน์
มีของดีมาโปรดยามนี้โอกาสดีหลาย
อย่าเฮ็ดแนวขี้ฮ้ายหมู่สู่ได้กินเพลี้ย
อย่าเฮ็ดประชาไทยใจละเหี่ยกินน้ำตา
จำต้องแสวงหาร่วมมือกับนานาชาติ
อย่าเฮ็ดแนวนุ่งผ้าขาดข้าน้อยได้ซุ่มเย็น
เห็นชูบีซีจีศรษฐกิจชีวภาพสีเขียวคืออยู่
อุ้มชูเศรษฐกิจฐานรากยิ่งดีหลายแท้หน้อ
มาทางฝ่ายค้านเพื่อไทยเพิ่นกะว่า
โมเดล BCG รัฐบาลเฮ็ดไว้ล้มเหลว
ยังมีเปลวกลวงล่องลอยและย้อนแย้ง
บ่มีหยั่งแหล้วแถมช่องโหว่หลวงหลาย
COP26ขาดเป้าหมายชัดเจนเพิ่นจาไว้
ไร้แผนไร้แนวปฏิบัติขาดรูปธรรมแจ่มแจ้ง
มีผู้นำแบบนี้สิพากันไปลี้อยู่ฮู่ใด๋นั่นแล้ว
ไม่มีความคิดเห็น:
แสดงความคิดเห็น